Трамп Ресей-Украина соғысын тоқтату үшін екі елдің өкілдерімен кездесу өткізуді жоспарлап отыр

АҚШ президенті Дональд Трамп Вашингтон маңындағы Эндрюс әскери-әуе базасында сөйлеген сөзінде Ресей және Украина өкілдерімен жоспарланған кездесулер туралы мәлімдеді, деп хабарлайды Azattyq Rýhy.

Трамптың айтуынша, кездесулерді ұйымдастыру бойынша белсенді жұмыс жүргізіліп жатыр.

«Бізде демалыс күндері өте қарбалас өтті. Біз Израиль мәселесімен айналысып жатырмыз. Сондай-ақ Украина және Ресеймен де жұмыс істеп жатырмыз. Украина және Ресей өкілдерімен кездесулер мен келіссөздер жоспарланған», – деді ол.

1 ақпанда Трамп Ресеймен Украинадағы қақтығысты реттеу мәселесін «байыпты талқылап жатқанын» атап өтті. Ол АҚШ-тың қақтығысты тоқтатуға барынша күш салатынын мәлімдеді.

Бұл келіссөздер Ресей мен Украина арасындағы шиеленісті азайтуға бағытталған маңызды қадам болуы мүмкін.