В Атырау
+12 
Журналистер мен еріктілер ашық дереккөздер арқылы Ресейдің Украинаға басып кіру кезінде қаза тапқан кемінде 90 019 ресейлік әскери қызметкердің аттарын анықтаған. Бұл туралы ВВС мен «Медиазона» зерттеді, деп хабарлайды “Адырна” ұлттық порталы.
Оның ішінде соңғы екі аптада 1964 адам қаза тапты.
Зерттеу авторларының айтуынша, қаза тапқандардың 23%-ы, яғни әр төртіншісі, соғыс басталғаннан кейін ғана келісімшартқа отырғандар. 2023 жылдың қараша айында бұл көрсеткіш 14%-ды құраған.
Қаза тапқандардың жартысынан көбі соғыс басталған кезде Ресей әскерімен байланысы болмаған адамдар. Олардың 17%-ы — түрмедегілер, 12%-ы — мобилизацияланғандар. Журналистер еріктілер деп тергеу немесе соттың басталу сатысында Қорғаныс министрлігімен келісімшартқа қол қойғандарды есептеген. Мұндай адамдардың қаза болуы 2023 жылдың қазан айынан бастап күрт өскен. Еріктілер арасындағы жалпы шығындар ең жоғары болып отыр — шамамен 21 мың адам.
2024 жылы қаза тапқандардың орташа жасы, нақты деректер бойынша, 36 жасты құрады. Бұл соғыстың алғашқы екі жылындағыдан көп, деп атап өтті журналистер.
Қаза тапқандардың 17%-ы кәсіби әскерилер. Журналистердің тізімінде тоғыз генерал мен подполковник дәрежесіндегі 500 әскери қызметкер бар. 2024 жылы қаза тапқандардың орташа жасы 36 жас болып отыр, бұл соғыстың алғашқы екі жылымен салыстырғанда жоғары, деп көрсетілген зерттеуде.
Ең көп қаза тапқандар 24 қаңтарға дейін Башқұртстаннан тіркелген. Бұл өңірдің билік органдары мен БАҚ мәліметтері бойынша, барлығы 3932 адам қаза тапқан.
Зерттеушілер қаза тапқандар тізімін ашық дереккөздерден: БАҚ, жергілікті әкімшіліктердің хабарламалары, әлеуметтік желілердегі туыстардың жазбалары мен зираттардан алынған деректер негізінде жүргізуде.
Олар нақты шығындар әлдеқайда жоғары болуы мүмкін екенін айтады, себебі журналистердің талдауы нақты қаза тапқандардың 45%-дан 65%-на дейінгі мөлшерін қамтуы мүмкін.
Ресей билігі майдандағы шығындар туралы ресми түрде хабарламайды. 2024 жылдың ақпанында Украина президенті Владимир Зеленский соғыс басталғалы бері 31 мың украиналық сарбаздың қаза тапқанын хабарлады. UALosses жобасы ашық деректер негізінде сол кезде 42 мың адам қаза тапқанын, ал қазір украин әскерінің шығыны 63,5 мың адамға жеткенін бағалап отыр.
Батыс барлау органдарының мәліметтері бойынша, Ресей мен Украина тарапынан қаза тапқандар мен жараланғандар саны жүздеген мыңды құрайды, және Ресей шығындарының көлемі жоғары деп бағалануда. АҚШ президенті Дональд Трамп Украинада бір миллионға дейін ресейлік әскери қызметкер мен кемінде 700 мың украиналықтың қаза тапқанын мәлімдеді. Алайда, бұл мәлімдемелердің дереккөздері көрсетілмеген.