В Атырау
+21 
ҚР Бәсекелестікті қорғау және дамыту агенттігінің Атырау облысындағы департаменті мұнай өңдеудің тауар нарығындағы баға мен өндіріс (сату) көлемінің динамикасына жүргізілген талдау негізінде «Атырау мұнай өңдеу зауыты» ЖШС-не қатысты тергеп-тексеруді бастады.
Талдау нәтижесінде Департамент мұнай өңдеу бойынша монополиялық жоғары бағаны белгілеу және ұстап тұру, яғни мұнайдың орташа бағасының 2021 жылдан бастап 2023 жылға дейінгі кезеңде 31%-ға өсуіне байланысты монополиялық үстем жағдайды теріс пайдалану белгілерін анықтады.
Бұл тұрғыда, монополиялық жоғары бағаны белгілеу фактісі ҚР бәсекелестікті қорғау саласындағы заңнамасын ықтимал бұзушылықтарға тергеп-тексеру жүргізу барысында айқындалатынын атап өткен жөн.
Егер, монополияға қарсы заңнаманы бұзу фактілері расталған жағдайда, айналымның 5% мөлшерінде айыппұл салынып және монополиялық кіріс тәркіленеді, сондай-ақ бағаны негізделген деңгейге дейін төмендету туралы нұсқама енгізілетін болады.