​Сот «NB Towers» тұрғын үй кешенін бұзу туралы шешім қабылдады

Бұл туралы Атырау облысы бойынша мемлекеттік сәулет-құрылыс бақылау департаменті хабарлады.

Ведомство «NB Towers» тұрғын үй кешенін салу кезінде заңдылық пен құрылыс нормаларының сақталуына тексеру жүргізіп, оның қорытындысы бойынша сотқа шағым түсірген.

Атырау қалалық соты бұл заңсыз құрылысты бұзылуы керек деп шешті. Атырау облыстық сотының шешімімен құрылыс салушының апелляциялық шағымы қанағаттандырусыз қалдырылды. Ведомство құрылыс салушының кассациялық шағым беруге құқығы бар екенін атап өтті.

Дайындаған Жомарт ӘМІРХАНОВ