Қаратон Подсолевой: Тереңдігі 5500 метр бірінші барлау ұңғымасын бұрғылау

Өткен жылдың соңында «ҚазМұнайГаз» ресейлік «Татнефть» компаниясымен бірлесіп, Қаратон Подсолевой учаскесінде геологиялық барлау жұмыстарын бастады, деп хабарлайды "Самұрық - Қазына" қорының телеграм-арнасы.

Аталған аймақта бірінші барлау ұңғымасын салу – Қазақстанның ресурстық базасын нығайту үшін маңызды қадам.  

Қаратон Подсолевой ұңғымасы ірі кен орны Теңіздің жанында орналасқан.  

Көмірсутектерді үлкен тереңдікте іздеу бірқатар күрделі техникалық міндеттермен байланысты. Мысалы: үлкен тереңдік, жоғары қысым, күкіртсутектің болуы және қалың тұз қабаттары.  

«Қаратон Подсолевой» жобасы Қазақстанның күрделі кен орындарына инвестиция тартуға көмектесетін жетілдірілген үлгідегі келісімшарт бойынша іске асырылады. Бұл келісімшарт осындай учаскелерді барлау және игеру үшін қолайлы жағдай қалыптастыра отырып, маңызды салықтық және реттеушілік артықшылықтар береді.  

Қызылорда облысындағы «Торғай палеозой» учаскесінде де осындай барлау ұңғымасын салу жоспарланып отыр.