​Air Astana Нячанг қаласына​ Алматы мен Астанадан жаңа рейс ашты​

Көктемгі-жазғы навигация кезінде Air Astana Фукуокқа рейстерді Нячанг қаласына (Вьетнам) жаңа маусымдық бағытқа ауыстырады. Фукуокка рейстер күзгі-қысқы навигация кезеңінде жүзеге асады, деп хабарлайды әуе компаниясының баспасөз қызметі. 

Алматыдан Нячангқа ұшақ 30 наурыздан бастап сейсенбі, сәрсенбі, жұма және жексенбі күндері, ал Астанадан 31 наурыздан бастап дүйсенбі, бейсенбі және сенбі күндері қатынайды. Нячангқа ең жақын әуежай Камрань қаласында орналасқан. Рейстер мынадай кесте бойынша жайлы Airbus A321 LR ұшағымен жүзеге асырылатын болады:

КС 193 Алматы-Камрань рейсі 23.35-те ұшып кетіп, келесі күні 09.20-да қонады.
КС 194 Камрань-Алматы рейсі 10.50-де ұшып кетіп, 16.45-те қонады.

КС 157 Астана-Камрань рейсінің 23: 00-де ұшып кетіп, келесі күні 09.20-да қонады.
КС 158 Камрань-Астана рейсінің 10.50-де ұшып кетіп, 17.50-де қонады.

Алматыдан ұшатын рейс ұзақтығы шамамен 8 сағат, Астанан 8 сағат 40 минут.

Билеттер airastana.com (https://airastana.com/) сайтында сатылымда. Алматыдан эконом-класта билеттер құны екі жаққа да барлық алымдарды қосқанда 371 175 теңгеден, бизнес-класта - 1 040 312 теңгеден, Астанадан - 423 652 теңгеден және 1 040 101 теңгеден басталады.

Еске сала кетсек, Қазақстан азаматтары Вьетнамда 30 күнге дейін визасыз бола алады.