В Атырау
-2 
Мемлекет басшысының тапсырмасы бойынша құрылған Ұлттық геологиялық қызмет тиісті қолдау мен өкілеттіктерге ие болып, оның ғылыми-технологиялық инфрақұрылымын дамыту керек, деп хабарлайды ведомствоның баспасөз қызметі.
Бұл бағытта «Самұрық-Қазына» қорымен бірлескен жұмысты үйлестірудің маңызы көрсетілген. Үкімет отырысы барысында заманауи технологияларды, оның ішінде жердегі зерттеулерге шығындарды қысқартуға мүмкіндік беретін аэрогеофизикалық түсірілімді пайдалану мәселелеріне де назар аударылды. Осыған байланысты, 30 жыл болған және одан да бұрын алынған геологиялық ақпаратты цифрландыру керек. Бұл деректер әлі күнге дейін қағаз жүзінде немесе пленкаларда сақталып келеді. Бұдан басқа, инвестицияларды тарту мақсатында халықаралық қаржы ұйымдары үшін сертификатталған зертханалық растама қажет.
«Кен көздерін барлау жұмыстарының геологиялық және қаржылық тәуекелдері қашанда жоғары.Әлемдік статистикаға сәйкес, геологиялық барлау жобаларының табысты болуы небәрі 20-30%-ды құрайды. Сондықтан Үкімет осы саланы қолдауға, инвестициялар тарту үшін қолайлы жағдай жасауға, жаңа ынталандыру тетіктерін әзірлеуге және заңнаманы одан әрі жетілдіруге ерекше назар аударады», — деп атап өтті Олжас Бектенов.