Қазақстанда қар жауып, жел күшейеді

Синоптиктер алдағы үш күнге, яғни 28, 29 және 30 қарашаға арналған Қазақстандағы ауа райы болжамын жасады, - деп хабарлайды Tengrinews.kz тілшісі.

Болжамға сәйкес, алдағы үш күнде Қазақстанның басым бөлігінде тұрақсыз ауа райы күтіледі. Елдің оңтүстік-батысында жаңбыр мен қар түріндегі жауын-шашын, тұман, көктайғақ және қатты жел күтіледі. Айдың соңына қарай жауын-шашын республиканың барлық дерлік аумағын қамтиды, ал оңтүстіктің тау аймақтарында жаңбыр мен қар жаууы мүмкін.