В Атырау
-3 
ҚР Парламент Мәжілісі «Мемлекеттік (муниципалдық) сатып алуды жүзеге асыру кезінде банктік кепілдіктерді өзара тану туралы келісімді ратификациялау туралы» Заң жобасын мақұлдады, деп хабарлайды Миниcтрліктің баспасөз қызметі.
Бұл келісім Еуразиялық экономикалық интеграцияны дамытудың 2025 жылға дейінгі стратегиялық бағыттарын іске асыру үшін әзірленді.
Осы арқылы ұйымға мүше бір елдің мемлекеттік сатып алуларына қатысу үшін басқа мүше мемлекеттің резидент банктері берген банк кепілдіктері өзара расталатын болады.
Сонымен қатар құжатта мемлекеттік сатып алуға тиісті кепілдіктерді беруге құқылы банктерге қойылатын талаптар, сондай-ақ мұндай қаржы институттарының тізімін қалыптастыру мен банк кепілдіктерінің тізілімін жүргізу тәсілдері белгіленген.
Құжатты ратификациялау одақтағы бір елдің әлеуетті өнім берушілеріне басқа елде өткізілетін мемлекеттік сатыпалымына еркін қатысуды қамтамасыз етіп, сондай-ақ ұзақмерзімдік және тұрақты негізде мемлекеттік сатып алу саласындағы ынтымақтастықты нығайтуға жол ашады.