Уақыт белдеуінің халыққа қалай әсер етіп жатқанын зерттеу үшін 160 млн теңге сұралған – Саясат Нұрбек

Жаңа уақыт белдеуі қазақстандықтарға қаалай әсер ететінін зерттеу үшін 160 млн теңге сұралған. Бұл туралы бүгін ғылым және жоғарғы білім министрі Саясат Нұрбек мәлім етті, деп хабарлайды Azattyq Rýhy.

«Үш жылғы бюджеттен 160 млн теңге сұралды. Шын мәнінде, 90-100 млн теңге бөлінеді деп ойлаймын. Конкурс жариялаймыз. Соңғы шешімді ұлттық ғылым кеңесі қабылдайды», - деп хабарлады Саясат Нұрбек.

Естеріңізге сала кетейік, күні кеше үкімет уақыт белдеуі бұрынғы сағатқа ауыспайтынын айтып, осы мәселеге нүкте қойған.