«Бауырына салу» фильмі Оскар сыйлығына ұсынылды

89 просмотра

2025 жылғы «Оскар» сыйлығына ұсынылған қазақстандық фильм анықталды, деп хабарлайды Orda.kz.

Бұл туралы фильмнің Instagram-дағы ресми парақшасында хабарланды.

«Бауырына салу» – «Шет тіліндегі үздік фильм» номинациясы бойынша 2025 жылғы «Оскар» сыйлығына ұсынылған қазақстандық фильм. Фильмде көшпелі қазақ халқының ежелгі дәстүрі бойынша сәби кезінде әжесінің тәрбиесіне қалған Ерсұлтанның оқиғасы баяндалады. Бала 12 жасында әжесінен айырылып, ата-анасына оралуға мәжбүр болады.

Режиссер Асхат Кучинчиреков бұл фильмнің жеке тәжірибесіне негізделгенін атап өтті. Оның айтуынша, ата-әжесінің қолында тәрбиеленген балалардың психологиялық жарақаттарға тап болуы сирек емес.

Бұған дейін бұл фильм беделді Asia-Pacific Film Awards сыйлығында «Үздік жастар фильмі» номинациясы бойынша марапатқа ие болған.

Бүгін, 18:11

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.