Өскеменде мектеп бухгалтерлері 120 млн теңге жымқырды деген күдікке ілінді

Шығыс Қазақстан облысы бойынша сыбайлас жемқорлыққа қарсы қызмет дарынды балаларға арналған Жамбыл атындағы облыстық мамандандырылған мектеп-интернат-гимназиясының екі бухгалтеріне қатысты қылмыстық істі тергеп жатыр. Бұл туралы Azattyq Rýhy агенттігі YK-news.kz-ке сілтеме жасап хабарлайды.

«Олар алдын ала сөз байласу бойынша 120 миллион теңге сомасында топ болып, бюджет қаражатын ұрлады деген күдікке ілінді», — деп хабарлады Сыбайлас жемқорлыққа қарсы қызмет.

Тергеу мәліметтері бойынша, бухгалтерлер бес жыл бойы өздерінің шоттарына артық жалақы мен басқа да төлемдер аударып отырған.

Тергеу ісі жалғасып жатыр.