Астана LRT-ның экс-басшысы Талғат Ардан сырттай 9 жылға сотталды

Кезінде LRT-нің бітпей қалуына кінәлілердің бірі Талғат Ардан сырттай сотталды, деп хабарлайды zakon.kz.

2023 жылы Талғат Ардан бюджет қаражатын талан-таражға салғаны үшін сырттай 7 жылға бас бостандығынан айырылған болатын.

Бұл жолы Талғат Ардан лауазымдық өкілеттіктерін теріс пайдаланғаны үшін кінәлі деп танылды. Осылайша, жаза мерзімі 9 жылға ұзарды. 

Оның үстіне 85 миллиард теңге көлемінде шығынды өтеуге міндеттелді.

Айта кетейік, Талғат Ардан қазіргі уақытта халықаралық іздеуде жүр. Қайда екені белгісіз.