В Атырау
-1 
Шигеру Ишиба басқаратын бүкіл Жапония үкіметі келесі премьер-министрді сайлар алдында отставкаға кетті. Бұл туралы Stan.kz ақпарат агенттігі Киодо порталына сілтеме жасап хабарлайды.
"Ишибаның алғашқы кабинеті 11 қараша таңында министрлер кабинетінің кезектен тыс отырысында отставкаға кетті", – делінген хабарламада.
Агенттіктің хабарлауынша, Ишиба премьер-министр болып сайланса, ол жаңа министрлер кабинетін құрады.
Айта кетейік, 15 қазанда Жапонияда парламенттің төменгі палатасына кезектен тыс сайлау алдындағы үгіт-насихат науқаны басталған еді. Сайлау 27 қазанда өтті. 9 қазанда Жапония парламентінің төменгі палатасы елдің премьер-министрі Шигеру Исибаның шешімімен ресми түрде таратылды. Ал Ишиба үкіметті 1 қазанда басқаруды қолға алған еді. Ол Фумио Кисидаға қоғамның сенімі төмендегеннен кейін бұл қызметке келген еді.
Еске салайық, бұған дейін 1 қазанда Фумио Кисида бастаған Жапония үкіметі отставкаға кеткенін жазған едік. Келесі премьер-министр Шигеру Исиба болып, ол жаңа министрлер кабинетін құрды.