Атырау, 18 шілде 17:50
Түнде ашық+26, таңертең +33
ҚР Ұлттық банкінің валюта бағамы: $ 383.98  € 430.63  P 6.11

Ыстамбұлда кезекті митингі су шашылып, газбен атқыланып таратылды

14 шілде 2013 12:16
 
Түрік полициясы Реджеп Тайып Ердоған үкіметіне қарсы Ыстамбұл қаласындағы кезекті акцияны таратуда су шашатын құралдар мен көзден жас ағызатын газды қолданды, деп хабарлады РБК.

Қарсылық білдірушілер 2013 жылғы 13 шілдеде шерумен Гези саябағына бағыт алған болатын, алайда полицейлер топтанған адамдарды қуып таратып, олардың Таксим алаңы маңындағы Истикляль көшесіне шоғырлануына мүмкіндік бермеді.

Полиция күштерімен қатар шерушілер саудагерлердің қарсылығына да тап болды, қала орталығында бірнеше апта бойы өтіп жатқан қарсылық акциялары олардың бизнесіне кесірін тигізуде.

Шеруге Сәулеткерлер мен инженерлер қауымдастығын қала құрылысы жобаларын мақұлдау немесе бас тарту құқығынан айыруды көздейтін заң жобасы себеп болды. Осы аптада парламент мақұлдаған заң жобасын оппозиция акцияға белсене қатысқан кәсіпқой бірлестіктен үкіметтің өш алуы деп қарастыруда. Осы қауымдастық мүшелері Гези саябағын қайта құру жоспарына талап-шағым берген болатын, бұл қарсылық толқынының бой көтеріп, көпкүндік тәртіпсіздікке ұласуына әкеп соқтырды.

Полициямен қақтығыстар салдарынан Түркияны түгелдей дерлік шарпыған қарсылық акциясы барысында бес адам көз жұмды және бірнеше мың адам жараланды. Жаппай қарсылық көрсету қазіргі ел премьер-министрі Реджеп Тайып Ердоған билікте болған онжылдықтағы ең ауқымды шара болып отыр.

Дереккөз: ҚазАқпарат

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

948 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4

Последние новости