Еуроодақ қазақстандықтарға Шенген визасын алуды жеңілдету үшін келіссөзге дайын

Осы аптада Еуропалық одақ пен Қазақстан өкілдері 21-ші кездесу өткізді. Онда екі тарап ынтымақтастықты нығайтып, визалық режимді оңай ету туралы келісімге қол жеткізуге өз міндеттемелерін растады. Бұл туралы Stan.kz ақпарат агенттігі Schengen.News порталына сілтеме жасап хабарлайды. 

ЕО мен Қазақстан визалық режимді жеңілдетіп, реадмиссия туралы келісім үшін келіссөздер жасауға ашық екендіктерін растады. 

Мұндай мәлімдеме екі тараптың бірлесіп жұмыс істеуге және жақын арада осы мәселе бойынша келісімге қол жеткізуге дайын екендігін көрсетеді. Бұл Қазақстан азаматтарының шектеу қойылған елдерге сапарларын жеңілдетеді.

Еуроодақ пен Қазақстан осы жылдың маусым айында визалық режимді жеңілдету туралы келіссөздерді бастады. ЕО-ның санкциялар жөніндегі арнайы өкілі Дэвид О'Салливан 2024 жылдың маусымында Қазақстан азаматтары үшін визалық рәсімдерді жеңілдету туралы келіссөздерді ресми түрде бастағанын растады.

Бірақ бұл үшін алдымен келіссөздерді дайындау қажет. Осы мәселе бойынша Қазақстан өз азаматтарына жеңілдетілген және неғұрлым қолайлы ережелер бойынша шенген визаларын алуға өтініш беруге мүмкіндік беретін келісімге қол жеткізуге ұмтылады. 

Шенген статистикалық порталының мәліметі бойынша, 2023 жылы Қазақстан азаматтары ең көп өтініш берген елдер арасында 20-шы орынға ие болған. Шенген визасын алуға барлығы 159 072 өтініш берген.

Өтініш берушілердің жалпы санының 143 970-і виза алды, ал 14 285-не бас тартылған.