Ұзақ жыл шетелде тұрып, Иранға оралған журналист Тегеранда қамауға алынды​

Иран және АҚШ-тың азаматы Реза Вализадеге шетелдік БАҚ-пен парсы тілінде әріптестік танытты деген айып тағылған. Бұл жөнінде АЕ/АР-ға туыстарының бірі хабарлады.

Иранның ресми тұлғалары Вализаденің қамалуына қатысты түсініктеме берген жоқ.

Реза Вализаде Азаттықтың Фарда радиосының тілшісі қызметінен 2022 жылы қарашада кеткен және біраз уақыт шетелде тұрған. X желісіндегі кейінгі жазбасында 16 наурызда Тегеранға баратынын айтқан.

Жазбада ол Ислам революциясы сақшылары корпусының барлау қызметімен келіссөзді "ішінара аяқтағанын" айтқан. Бірақ соған қарамастан тәуекел етіп, Иранға оралған.