В Атырау
+1 
Украинадағы мобилизациялау жасын 25-тен 21 жасқа дейін төмендету керек. Бұл туралы “Хартия” Ұлттық гвардиясының 6-шы бригадасының командирі Игорь Оболенский мәлімдеді, деп хабарлады Sputnik РИА Новости басылымына сілтеме жасап.
“Иә”, - деп жауап берді Оболенский “Украинская правда”газетіне берген сұхбатында “мобилизациялау жасын 21 жасқа дейін төмендету қажет пе?” деген сұраққа.
Оның пікірінше, бұл демографиялық қауіп төндірмейді.
“Біздің жастарымыз соғыстың не екенін қазір қаншалықты сезінсе, болашақта бізге соғұрлым жеңіл болады. Қиын кездер мықты адамдарды қалыптастыратыны белгілі. Адамдар неғұрлым қазір бар негативті сезінсе, бізге соғұрлым болашақта тиімдірек болады”, - деді Оболенский.
Жоғарғы Раданың депутаты Роман Костенко қазан айының басында Украинада майданда жастардың жоқтығынан мобилизациялау 20 жастан басталуы керек деп мәлімдеген. Сәуірде Владимир Зеленский Украинада мобилизациялау жасын 27-ден 25 жасқа дейін қысқарту туралы заңға қол қойды. Украина қорғаныс министрлігінің мәліметі бойынша, жоғарғы шек 60 жас.
Украинада 2022 жылдың 24 ақпанынан бастап әскери жағдай режимі енгізілді, келесі күні Зеленский жалпы мобилизациялау туралы жарлыққа қол қойды. Соғыс жағдайы кезінде 18 бен 60 жас аралығындағы ер адамдардың Украинадан кетуіне тыйым салынды. Мобилизациялау кезінде әскери қызметтен жалтарғаны үшін 5 жылға дейін бас бостандығынан айыру түріндегі қылмыстық жауапкершілік қарастырылған.