В Атырау
+9 
ҚР Ұлттық экономика министрлігі Табиғи монополияларды реттеу комитетінің Атырау облысы бойынша департаменті 1 қазанда тарифтердің күшін жою туралы 2024 жылғы 2 тамыздағы бұйрығының күші жойылды деп таныды. «Магистральдық Суағызғысы» ЖШС магистральдық құбырлар арқылы су беру жөніндегі реттелетін қызметі ведомствоның 2024 жылғы 19 маусымдағы бұйрығымен бекітілген болатын, деп хабарлайды "ҚазТрансОйл" АҚ баспасөз қызметі.
Осы ретте 2024 жылғы 1 қарашадан бастап ведомствоның 2024 жылғы 1 қазандағы бұйрығына сәйкес магистральдық құбырлар арқылы су беру жөніндегі реттеліп көрсетілетін қызметке «Магистральдық Суағызғысы» ЖШС орташа тарифі түзетіледі.
Атап айтқанда, 2024 жылғы 1 қарашадан 2025 жылғы 30 маусымға дейін өнеркәсіптік кәсіпорындар мен басқа да коммерциялық ұйымдар үшін орташа тариф 892,70 теңге/м³ құрайды, бұл 43,18 теңге/м³ төмендеген; 2025 жылғы 1 шілдеден 2026 жылғы 30 маусымға дейін – 917,86 теңге/м³, бұл 30,32 теңге/м³ төмендеген; 2026 жылғы 1 шілдеден 2027 жылғы 30 маусымға дейін – 974,54 теңге/м³, бұл 30,33 теңге/м³ төмендеген; 2027 жылғы
1 шілдеден 2028 жылғы 30 маусымға дейін – 1 214,67 теңге/м³, бұл 30,32 теңге/м³ төмендеген; ал 2028 жылғы 1 шілдеден 2029 жылғы 30 маусымға дейін – 1 082,42 теңге/м³, яғни 30,33 теңге/м³ төмендеген.
Естеріңізге сала кетейік, «Магистральдық Суағызғысы» ЖШС - Қиғаш өзенінен Атырау және Маңғыстау облыстарының тұтынушыларына «Астрахань-Маңғышлақ» магистральдық су құбыры арқылы табиғи суды жеткізуші.
Дайындаған Жомарт ӘМІРХАНОВ