​Отбасы банкінің терминалдары 2025 жылы жұмыс жасамайды

Бұл туралы қаржы ұйымының баспасөз қызметі хабарлады. 

2025 жылғы 1 қаңтардан бастап Отбасы банкі депозиттерді толықтыру және кредиттерді өтеу үшін банктің төлем терминалдарын пайдалануды тоқтатады. Бұл шешім процестерді оңтайландыру және қызмет көрсету сапасын арттыру мақсатында қабылданды.

Төлемдерді жүзеге асыру үшін банк балама арналар, яғни серіктес банктердің терминалдары мен банкоматтарын, мобильді қосымшаларын және "Қазпошта" АҚ бөлімшелерін пайдалануды ұсынады.