Тоқаев: "Пәндік олимпиада жүлдегерлері спорттағы жүлдегерлер секілді марапатталу қажет"

Президент Қасым-Жомарт Тоқаев пәндік олимпиадаларда жеңіске жеткен балаларды Олимпиада ойындарының жүлдегерлері сияқты құрметтеу керек екенін айтты. Бұл туралы Stan.kz ақпарат агенттігі хабарлайды.

Қазақстан президенті Олимпиада ойындарының жүлдегерлерін қалай құрметтесек, пәндік олимпиадаларда жеңіске жеткен балаларды солай құрметтеу керек екенімізді атап өтті. 

Тоқаевтың пікірінше, балалардың нақты ғылымдарға ұмтылуын қолдау қажет. Президент академик Асқар Жұмаділдаевтің сөздерін келтірді. Академик физика, математика және басқа да пәндер бойынша олимпиадаларда бірінші орын алатын балаларға спортшыларға қарағанда аз көңіл бөлінетінін әділетсіздік деп есептеген.

"Олар Олимпиада ойындарына барып, қарсыластарын жеңіп, оралғанда әуежайда халық қарсы алып, құттықтап, машиналар, пәтерлер береді. Ал халықаралық олимпиадаларда бірінші орын алатын балаларды әуежайда ешкім қарсы алмайды", – деп Тоқаев академиктің сөздерін жеткізді.

Сонымен қатар президент қазір елімізде балалар мен жасөспірімдерге шынайы батырларды үлгі ету керек екенін және дарынды балаларды қолдау маңызды екенін атап өтті. Ол таяудағы Дүниежүзілік шахмат олимпиадасында күміс жүлдегер атанған қазақстандық шахматшы қыздарды еске алды.

Еске салайық, бұған дейін дүниежүзі бойынша үздік 7 беделді олимпиадада жеңіске жеткен 26 қазақстандық оқушы қаржылай сыйлыққа ие болғанын жаздық. Сыйақының жалпы сомасы 77,5 миллион теңгеден асады.
2023-2024 оқу жылының қорытындысы бойынша еліміздің ұлттық құрамасы ең беделді әлемдік пәндік олимпиадаларда 2 алтын, 12 күміс, 12 қола медаль және бір диплом иеленді.