В Атырау +4 
Атырау қаласының 58 жастағы тұрғыны 20 қыркүйекте бас сүйек-ми жарақатымен ауруханаға түсіп, алты күннен кейін жергілікті ауруханада қайтыс болды. Ер адамға марқұмның туысы мас күйінде денсаулыққа зиян келтірген деген күдік бар.
- Аталған факті бойынша денсаулыққа қасақана ауыр зиян келтiріп, салдарынан адам өліміне әкеп соқтыру дерегімен қылмыстық іс қозғалды. Күдікті анықталып, кешенді жедел-іздестіру және тергеу амалдары басталды. Өзге ақпарат тергеу мүддесіне сәйкес жариялауға жатпайды, - деп хабарлады полиция департаменті.
Нұрбейбіт НҰҒЫМАНОВ
30 қыркүйек 2024, 13:08