В Атырау
+16 
Павел Дуров жылдық табысын 1 дирхамға бағалады. Әлемдегі ең бай адамдардың қатарында тұрған кәсіпкер француз тергеушілеріне жылына 130 теңге табыс табатынын айтқан, деп хабарлайды Azattyq Rýhy жергілікті басылымға сілтеме жасай отырып.
Le Monde-нің жазуынша, Telegram-ның бас директоры өзіне жалақы тағайындамаса да, миллиардер болып саналады. Инвестициялық қорлар оның мессенджерін шамамен 30 миллиард долларға бағалаған. Оны наурыз айында Financial Times газетіне берген сұхбатында өзі айтқан. Оның байлығы шамамен 9-15 млрд долларға бағаланады.
Еске салсақ, таяуда Дуров Париж маңындағы Ле-Бурже әуежайында ұсталған, оған француз билігі Telegram бас директоры өзінің хабар алмасу қосымшасында болжалды қылмыстық әрекетке жол берді деген алдын ала айып таққан еді.
Ресей тумасы және Франция азаматы болып табылатын Дуровқа тағылған айыптар қатарына оның платформасын балаларға қарсы жыныстық зорлық-зомбылық материалдары мен есірткі саудасы үшін пайдалану, сондай-ақ Telegram заң бойынша талап етілген кезде тергеушілерге ақпарат немесе құжаттармен бөлісуден бас тартуы кіреді.
Telegram бас директоры бірнеше күннен кейін 5 млн еуро кепілдікпен және аптасына 2 рет полицияға белгілену міндетімен қамаудан босап шықты. Дуров 5 млн еуроны бөліп төлемек.