Иран шахтасындағы жарылыстан 50-ден астам адам қаза тапты

371 просмотра

Иран Ислам Республикасында көмір шахтасында жарылыс болды. Қазіргі кезде қаза тапқан адамдардың саны 50-ден асты, деп хабарлайды Sputnik.kz басылымы Mehr агенттігіне сілтеме жасап.

Шахта Оңтүстік Хорасан провинциясында Табас қаласында орналасқан. 21 қыркүйекте екі блокта газ жарылды. Сол кезде B мен C блоктарында 69 жұмысшы жұмыс істеді деген ақпарат бар.

В блогында құтқару операциясы аяқталды. Ол жерден 30 адамның мәйіті шығарылды, тағы 17 адам зардап шеккен. Ал С блогында басталған операция үш-төрт сағатқа жалғасады. Қазіргі кезде жарылыстан қаза тапқандардың саны 51 адамға жетті. Бұдан бөлек, 20 адам зардап шекті.

Көмір шахтасы Madanjo компаниясына қарайды. Ал Оңтүстік Хорасанның губернаторы осы аймақ елдегі көмірге деген сұраныстың 76 процентін қамтамасыз етіп отырғанын айтты

23 қыркүйек, 00:35

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.