Фермерге тіркеуде болмағаны үшін суға кеткен жылқыларына өтемақы төлеуден бас тартты

Талап қоюшы М. Жылыой ауданы табиғи сипаттағы төтенше жағдайлар салдарынан зардап шеккендерге келтірілген зиянды бағалау және өтеу жөніндегі комиссиясының хаттамалық шешімін даулады, деп хабарлайды Атырау облысының мамандандырылған ауданаралық әкімшілік соты.

Талап қоюшы М. сотқа берген талабында су тасқынынан өзінің 5 жылқы малы суға кетуіне байланысты малының құнын өтеуді сұраған.

Сот шешімімен ауыл шаруашылығы жануарларын бірдейлендіру  дерекқорында талап қоюшымен аталған малдар тіркелмеуіне және ол малдардың талап қоюшыда болғаны туралы дәлелдемелер ұсынылмағандықтан талап қоюшының талабы қанағаттандырудан бас тартылды.

Сот шешімі заңды күшіне енген жоқ.