Атыраудың сауда орталықтары заманауи талапқа сай қайта жаңғыртылады

Қаладағы «Мерей», «Дина», «Көктем» және «Аламан» базары модернизациядан өтеді. Бұл туралы қалалық кәсіпкерлік және ауыл шаруашылығы бөлімінің басшысы Мәлік Қариев мәлім етті, - деп хабарлайды Өңірлік коммуникациялар қызметі.

Модернизациялау «Даму» Кәсіпкерлікті дамыту қоры» АҚ-ның қолдауымен жүзеге аспақ.

- Сауда орталықтарын қайта жаңартып, біртіндеп заманауи стационарлы сауда кешендеріне айналдыруды көздеп отырмыз. Бүгінде арнайы жұмыс тобы құрылды. Олар базарлардың қазіргі жай-күйіне талдау жүргізіп, басшылығымен бірлесе отырып, жаңарту мүмкіндігін және қажет етілетін қаражатты зерделеуде, - деді М.Қариев.