В Атырау
+22 
Telegram мессенджерінің негізін қалаушы Павел Дуров Францияның құқық қорғау органдарымен байланыс орнатып, Telegram қолданушылары туралы жеке басын анықтайтын ақпаратты бере бастады. Бұл туралы бүгін, 12 қыркүйекте француздық «Liberation» газеті хабарлады, деп мәлімдеді KAZINFORM.
Дереккөздің хабарлауынша, Дуров соңғы уақытқа дейін қауіпсіздік күштерінің өтініштерін елемеген, бірақ қазір Telegram олармен «бұрын-соңды болмаған ынтымақтастыққа» ие болып, сұраныстарға жауап беріп отыр.
Париж прокуратурасының киберқылмыспен күрес бөлімінің басшысы Джоан Бру серіктестіктің басталғанын растады.
Liberation газетінің хабарлауынша, осыған байланысты Францияның барлық қауіпсіздік күштеріне Telegram арқылы ақпарат алу мүмкін болмағандықтан тоқтатылған тергеуді жалғастыру ұсынылды.
«Осылайша, мессенджер басшылығы Франция ұлттық полициясының (Ofmin) кәмелетке толмағандар ісі жөніндегі кеңсесі мен жандармерияның бірнеше қылмыстық тергеулер бойынша сұрауларына жауап беріп, күдіктілерді, соның ішінде балаларға қарсы қылмыстарды анықтауға көмектесетін ақпарат берді», - деп атап өтті Liberation.
39 жастағы Павел Дуров 24 тамызда Ле Бурже әуежайында жеке ұшағынан түскен кезде қамауға алынды. Оған мессенджердегі заңсыз мазмұнды әдейі реттемеген деген айып тағылды.
28 тамызда Дуров сот залынан босатылды. Оған Франциядан шығуға тыйым салынып, аптасына екі рет полицияға хабарласу міндеттелді.