Атырау облысында 16 мыңға жуық бүлдіршін алғаш рет мектеп табалдырығын аттады

Атырау облысында 150 мыңнан астам оқушы жаңа оқу жылын бастады, оның 16 мыңға жуығы 1 сыныпқа қабылданғандар, - деп хабарлайды өңірлік коммуникациялар қызметі.

Облыста барлығы 244 мектеп бар. Жыл соңына дейін тағы 3 мектептің құрылысы аяқталып қолданысқа беріледі деп күтілуде.

- Білім беру ұйымдары модификацияланған кабинеттермен 100% қамтылған. Жыл сайын 25 мектептің кабинеті жаңартылып отырады. 2024-2025 оқу жылында 25 мектепке 64 кабинет сатып алу жоспарланған, - деді облыстық білім беру басқармасының басшысы Марат ӘБУОВ.