В Атырау
+2 
Биыл өңірдің өкілетті қызметтері алаяқтардың 59 сілтемесін анықтаған. Ал өткен жылы осындай сипаттағы 296 сайт бұғатталған, - деп хабарлайды Өңірлік коммуникациялар қызметі.
Мамандар қаржылық мониторинг агенттігінің ресми сайтында көрсетілген күмәнді сілтемелерге талдау жасап, былтырдан бері 355 сайтты бұғаттаған. Қазір,
IT құралдары арқылы әлеуметтік желілерді бақылау жұмыстары жалғасуда.
-Қаржы пирамидасынан зардап шеккендердің қатары көбейіп келеді. Оған басты себеп - қаржы сауатының төмендігі. Әйтсе де, осыған қатысты жүргізілген қылмыстық істер былтырмен салыстырғанда азайған, – деді экономикалық тергеп-тексеру департаментінің басқарма басшысы Бекболат Анесов.
Анықтама үшін: біреу сізге күмәнді ұсыныс жасаса, оны дереу құқық қорғау органдары немесе Қазақстан Республикасының қаржылық мониторинг агенттігінің «Байқа пирамида» телеграмм боты арқылы анықтауға болады. Сондай-ақ, қаржылық мониторинг агенттігінің 14-58 сall орталығы жұмыс істеп тұр.
Ескеріңіз, қаржы пирамидасын құрған адамға қылмыстық жауапкершілік көзделген және мүлкі тәркіленіп, 10 жылға дейінгі бас бостандығынан айыру жазасы қаралады.