Атырау, 24 қараша 13:48
 бұлыңғыр болады В Атырау -3
$ 425.59
€ 505.43
₽ 5.61

Джохар Царнаевқа ресми түрде айып тағылды

1 729 рет қаралды
АҚШ-тың алқа соты Бостон марафонындағы жарылыстарға күдікті деп танылған Джохар Царнаевқа ресми түрде тағылған айыптарды жариялады.

Царнаевқа қарсы барлығы 30 айып тағылып отыр. Олардың арасында "қару қолданып, кісі өліміне себепкер болды" деген айып бар.

15 сәуірде Бостонда өтіп жатқан марафон мәреге жақындап қалғанда екі жарылыс болған еді. Жарылыстан үш адам қаза тауып, 260 адам жараланған. Джохар Царнаевтың ағасы Тамерлан Царнаев оқиғадан соң төрт күннен кейін полициямен болған атыста оққа ұшты. Джохар жараланып, ұсталды.

Тергеу деректері бойынша, жарылыс жасау үшін ағайынды Царнаевтар "ішіне тез бөлшектенетін бытыра салынған бомба" қолданған. Царнаевтарға бұған қоса "полицейді өлтірді" деген де айып тағылған.

Тағылған айыптар бойынша Джохар Царнаев өлім жазасына немесе өмір бойы түрмеде отыру жазасына кесілуі мүмкін.
 
Дереккөз: Азаттық радиосы
28 маусым 2013, 09:22

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.