ІІМ: Атырау, Ақтөбе және Орал арасындағы жолдар төрт жолақты болу керек

Үкіметтің бүгінгі отырысында Ішкі істер министрі Ержан Сәденов еліміздегі жол қауіпсіздігі туралы айтты.

Басқарма басшысы жол қозғалысы қауіпсіздігін қамтамасыз ету мәселесін шешудің негізгі жолы қауіпсіз жол инфрақұрылымын құру екенін атап өтті. Республикалық бағыттардың тек 3 пайызы ғана қауіпсіздік талаптарына жауап береді. Мұндай жолдарда қайта жөндеуден кейін өлім-жітім айтарлықтай төмендеді.

Ұлытау, Жетісу, Солтүстік Қазақстан, Ақтөбе, Алматы облыстарының автомобиль жолдарында өлім деңгейі жоғары. Шұғыл түрде 6 мың шақырымнан астам 4 және одан да көп жолақты (1-санат) жолдарды салу қажет.

Соның ішінде мына облыс орталықтары арасындағы жолдар:

• Атырау, Ақтөбе, Орал; 
• Өскемен, Семей; 
• Қарағанды, Жезқазған, Қызылорда; 
• Қарағанды, Павлодар, т.б. 

«Қазір екі жолақты жолдар бар (ені 7 метрге дейін). Олар қауіпсіздікті қамтамасыз етпейді, бетпе-бет соқтығысу және аударылып кету жағдайлары жиі кездеседі», - деп түйіндеді министр.