Берлускони «Руби ісі» бойынша 7 жылға бас бостандығынан айырылды

Берлускони «Руби ісі» бойынша 7 жылға бас бостандығынан айырылды. Берлусконидің өзі соттың үкімін оны саяси өмірден аластатуға әрекет деп атауда.

Милан соты «Руби ісі» бойынша кәмелеттік жасқа толмағандардың жезөкшелігіне қатысы бар деп айыпталған Италияның бұрынғы премьер-министрі Сильвио Берлускониді 7 жылға бас бостандығынан айырды. Бұл туралы Ресей Жаңалықтар агенттігі жазып отыр.

Сонымен қатар, соттың шешіміне сәйкес, экс-премьер мемлекеттік лауазымдарға тағайындалу құқығынан өмір бойына айырылды. Берлусконидің өзі үкімнің жариялануына қатысқан жоқ.

Бұрынғы премьер-министрге қатысты сот процесі 2011 жылдың сәуір айында басталды. Тергеу оны 18 жасқа толмаған мароккандық Карима эль-Маругпен (лақап есімі «Руби») жыныстық байланысқа түсті деп айыптаған болатын.

Дереккөз: ҚазАқпарат