Атырау, 3 желтоқсан 02:23
 ашық В Атырау -10
$ 425.49
€ 512.84
₽ 5.63

Ибрагим Тодашев Грозныйда жерленді

1 331 рет қаралды
Ибрагим Тодашевті жерлеу рәсімі. Грозный, Шешенстан, 20 маусым 2013 жыл.Ибрагим Тодашевті жерлеу рәсімі. Грозный, Шешенстан, 20 маусым 2013 жыл.АҚШ-та "Бостон жарылысына" қатысты іс бойынша тергеу кезінде атып өлтірілген этникалық шешен Ибрагим Тодашевті туыстары бейсенбіде Грозныйда жерледі.

АҚШ федералдық тергеу бюросы (FBI) баспасөз қызметі Тодашевтың мамырдың 22-і күні тергеу кезінде қаза болғанын хабарлаған еді. FBI баспасөз қызметінің хабарлауынша, Тодашевті тергеу кезінде "доңайбат көрсетіп, қауіп-қатер туғызғандықтан" агент атып тастаған.

Ибрагим Тодашев 2011 жылы Массачусетсте үш адамды өлтіріп кету оқиғасына қатысты іс бойынша тергеліп жатқан. Тергеушілер ол оқиғаға Бостон марафонындағы жарылысқа күдікті Тамерлан Царнаевтың да қатысы болуы мүмкін деген.

Биыл сәуірдің 15-і күні Бостон қаласында марафон кезінде бомба жарылысынан 3 адам мерт болып, 260-тан астам адам жараланды. Полиция жарылысқа күдіктілер ретінде ағайынды Тамерлан мен Джохар Царнаевтарды атады. Тамерлан Царнаев сәуірдің 18-і күні полициямен атыс кезінде оққа ұшты. Ал Джохар Царнаев сәуірдің 19-ы күні Бостон қаласының маңында ұсталып, қазір қамауда отыр.
Дереккөз: Азаттық радиосы
21 маусым 2013, 10:28

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.