Сенат Жоғарғы соттың судьясын қызметінен босатты

Парламент Сенаты президенттің ұсынымы бойынша Талғат Ибрашевті басқа қызметке тағайындалуына байланысты Жоғарғы соттың судьясы қызметінен босатты, деп хабарлайды Azattyq Ruhy.

Сенатқа ҚР Жоғарғы сотының судьясы Талғат Ибрашевті қызметінен босату туралы президенттің тиісті ұсынымы келіп түсті.

Ол биыл сәуір айында президенттің жарлығымен Алматы облыстық сотының төрағасы қызметіне тағайындалған еді.

Сенат депутаттары жаңа қызметке баруына байланысты Талғат Ибрашевті Жоғарғы соттың судьясы лауазымынан босату туралы қаулыны қолдап дауыс берді.