Атырау, 25 маусым 02:00
 бұлттыВ Атырау +26
$ 465.28
€ 499.20
₽ 5.33

Алматының бір топ тұрғынын алдаған ер адам Украинадан елге жеткізілді

593 просмотра
скриншот

Қазақстанның Бас прокуратурасы мен Интерпол қызметкерлері аса ірі көлемде алаяқтық жасады деген күдікке ілінген ер адамды қылмыстық жауапқа тарту үшін Астанаға экстрадициялады, деп хабарлайды Azattyq Rýhy.

Күдікті 2017-2019 жылдар аралығында алматылықтарды алдап, заңсыз байыған. Ол салынып жатқан үйден пәтер беремін деген сылтаумен жәбірленушілердің жалпы сомасы 140 млн теңгеден асатын мүлкін иемденген. Қылмыс жасағаннан кейін ізін жасырған.

Құқық қорғау органдары оған халықаралық іздеу жариялады. Осылайша былтыр күзде күдікті Украина аумағында ұсталған.

Қазақстан Бас прокуратурасының өтінішімен Украина тарапы күдіктіні елімізге экстрадициялау туралы шешім қабылдаған.

«Былтыр Украина қылмыскерлерді экстрадициялау мәселелері бойынша Қазақстан мен Украинаның өзара іс-қимылын реттеген Минск конвенциясынан шығып қалды. Бірақ соған қарамастан аталған адамды ұстап беру екі ел арасындағы 2018 жылы Қазақстан Бас прокуратурасы жасаған экстрадициялау туралы шарттың арқасында мүмкін болды», - деп атап өтті бас прокуратура.

Астана мен Киев арасында тікелей рейс болмағандықтан, іздеуде жүрген адамды Украинадан Молдова мен Түркия арқылы өткізуге тура келген.

Қазір күдікті Астана қаласындағы тергеу изоляторында отыр. Ол мүлкі тәркіленіп, бес жылдан он жылға дейін бас бостандығынан айырылуы мүмкін.

24 мамыр, 16:00

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 700 672 70 30 нөміріне және editor@azh.kz поштасына жібере аласыз.