Өнеркәсіп және құрылыс министрі Қанат Шарлапаев қоқыс өңдеу төлемін алып тастау мәселесі үкіметте қаралмайтынын айтты. Ол қазақстандықтардың 40 мыңнан астам дауысын жинаған тиісті петицияға қатысты сауалға да жауап берді. Бұл туралы Stan.kz ақпарат агенттігі хабарлайды.

“Өнеркәсіп саласында қанша адам жұмыс істесе, бөлек ауылшаруашылығы техникаларын шығаратын салада да, автомобильдер кәсібінде де сонша адам қызмет атқарады. Сондықтан екінші топ азаматтардың қалауы басқалардың жұмыс істеуіне кедергі келтірсе, онда біз мұндай шешімді қабылдай алмаймыз. Менің ойымша, бұл қате көзқарас”, – деп түсіндірді Шарлапаев.

Айта кетейік, Алматыда қоқыс шығару тарифі 30 пайызға көтерілген еді. 

Еске салайық, бұған дейін өнеркәсіп және құрылыс министрлігі Қазақстанда кәдеге жарату алымына тарифтердің төмендеуі қаралмайтынын жазған едік. Бұдан бөлек министрлік қабылданып жатқан шаралар отандық көлік құралдары өндірісіне және қалдықтарды басқару жөніндегі ішкі инфрақұрылымның бәсекеге қабілеттігін жақсартуға бағытталғанын айтты.