Дипломаттың әйелі зорлық-зомбылық туралы мәлімдеді: Астана полициясы пікір білдірді

Астана полициясы дипломат күйеуінен жәбір көргенін хабарлаған қазақстандық Карина Мамаштың ісіне қатысты пікір білдірді, - деп хабарлайды Tengrinews.kz тілшісі.

"Бұл дерек бойынша қылмыстық іс қозғалды. Сараптама тағайындалып, тергеу жүріп жатыр. Басқа мәліметтер тергеу мүддесі үшін жарияланбайды", - деді Астана полициясының баспасөз қызметі.

Еске салайық, бұған дейін "НеМолчи.kz" қорының парақшасында БАӘ-дегі елшіліктің кеңесшісі Сәкен Мамаш әйелін тұрақты түрде ұрып-соғатыны туралы ақпарат пайда болған еді.