Байжановтың қорғаушысына ақша төлеп отырған менің бұрынғы әйелім – Бишімбаев

Байжановтың адвокатының ақысын Назым Қаһарман төлеп отыр. Бұл туралы сот залында Қуандық Бишімбаев айтты, деп хабарлайды Azattyq Ruhy. 

Оның сөзінше, өзінің бұрынғы әйелі Назым Қаһарман мен Бақытжан Байжанов ауыз жаласып, Бишімбаевтың мүлкін бөліп алмақшы екен. Бишімбаев бұрынғы әйелінің өзін бопсалап, көлігін ұрлап кеткенін айтады.

«Назым екеуміз бірге тұрғанда мен оған көлік бергенмін. Ол сол көлікті мініп жүрді. Біз ажырасқан соң, мен Байжановқа көлікті Алматыға алып келуін сұрадым. Ол көлік ұрланған, Байжанов кімнің ұрлағанын біледі. Менің бұрынғы әйелім сол жақтан ұрлап кеткен. Мен Байжановқа "менің әйеліммен сыбайласып, мені отырғызып, екеуің мүлкімді бөліп алмақшысыңдар ма?»,- деп сұрадым», - деді Бишімбаев.