Атырау, 23 сәуір 05:41
 бұлттыВ Атырау +22
$ 445.66
€ 474.58
₽ 4.78

Ресей арнайы қызметі: Сирияда ресейліктер де соғысып жүр

1 873 просмотра
Ресей Федералдық қауіпсіздік қызметінің басшысы Александр Бортников. Ресей Федералдық қауіпсіздік қызметінің басшысы Александр Бортников. Ресей Федералдық қауіпсіздік қызметінің (немесе ФСБ) басшысы Александр Бортниковтың айтуынша, Сирияда "Әл-Қаида" жасақтарымен бірге екі жүзге тарта ресейлік те соғысып жүр. Бұл туралы ол Қазан қаласында өткен халықаралық қауіпсіздікке арналған жиында айтты. Бортниковтың сөзіне қарағанда, Сирияда соғысып жүрген Ресей азаматтарының көпшілігі Солтүстік Кавказ аймағынан шыққан және "Кавказ әмірлігі" тобының жауынгерлері.

ФСБ басшысы Сирия президенті Башар Асад үкіметіне қарсы соғысып жүрген Ресей және басқа елдерден шыққан содырлар "тек Ресей және ТМД мемлекеттеріне ғана емес, Еуропа және Америка құрлығы елдеріне де қауіп төндіреді" дейді.

Бортниковтың пікірінше, Сириядан еліне қайтқан сарбаздар соғыс жүргізу тәжірибесін үйреніп, Солтүстік Африканың террористік топтарымен жаңа байланыстар орнатып келеді.
 
Дереккөз: "Азаттық радиосы"
7 маусым 2013, 09:27

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.