Америкада баласының қылмысы үшін ата-ана 10 жылға сотталды

Американың Мичиган штатында мектеп оқушыларын атып өлтірген жеткіншектің ата-анасы 10 жылға сотталды, деп хабарлайды Azattyq Ruhy APnews-ке сілтеме жасап.

2021 жылы Итан Крамблей үйіндегі тапаншаны алып шығып, мектепке келген, сосын 4 оқушыны атып өлтірген. Ол қазір 17 жаста, адам өлтіргені үшін өмір бойына сотталған.

Жеткіншектің ата-анасы үйдегі тапаншаны қауіпсіз жерге тығып ұстамай,  баласының психологиялық денсаулығына назар аудармаған деген айыпқа ілініп отыр. Олар 10 жылға бас бостандығынан айырылды.

Баланың қылмысы үшін ата-анасын соттау АҚШ тарихындағы алғашқы жағдай.

«Бұл сіздердің нашар тәрбие бергендеріңізді білдірмейді, тек «пойызды» уақытында үлгіріп, тоқтату керек еді», - судья Шерил Мэтьюз.