​Ақтөбе облысында тағы бір су қоймасынан су жару қауіпі бар

Ақтөбе қаласының әкімі Азамат Бекет кеше кеште бейнеүндеу жасады. Онда Хромтау ауданы аумағында орналасқан Мағаджан су қоймасының бұзылу қауіпі туғанын хабарлады. 

- Хромтау ауданының аумағындағы Мағаджан су қоймасының бұзылу қаупіне байланысты Ақтөбе су қоймасына көп көлемді судың құйылуы күтіледі. Сәйкесінше Ақтөбе су қоймасының толуына байланысты шлюзді ашуға мәжбүрміз, - деді Азамат Бекет. 

Елек өзенінің бойында орналасқан және Қарғалы өзенінің Кірпішті көпіріне жақын орналасқан бау-бақша ұжымдарының тұрғындарынан эвакуацияға келісім беріп, үйден шығуға өтініш жасады әкімдіктегілер. 

Посмотреть эту публикацию в Instagram

Публикация от Ақтөбе қаласының әкімдігi (@aqtobe_akimat)

Естеріңізге сала кетсек, Ақтөбе облысының Әйтеке би ауданында 29 наурызда су тасқыны салдарынан Щербаково бөгеті бұзылған болатын. Су Жүргенов ауылының шетіндегі Ырғыз өзеніне құя бастады. Ауыл тұрғындары эвакуацияланды. Аталған факті бойынша қылмыстық іс қозғалды.