​Облыстың екі ауданында сайлау өтіп жатыр

2024 жылғы 31 наурызда Исатай және Құрманғазы аудандарында мәслихаттардың шығып қалған депутаттарының орнына 3 сайлау округінде дауыс беру басталды (Исатай ауданында №6, №10, Құрманғазы ауданында №3 сайлау округтері), деп хабарлайды облыс әкімдігінің баспасөз қызметі. 

Аудандық сайлау комиссиялары ұсынған мәліметтерге сәйкес, сағат 07.00-дегі жағдай бойынша өңірлерде барлық 4 сайлау учаскелері дауыс беруге кірісті. Сайлаушылар тізіміне 5997 азамат енгізілді.

Дауыс беру кезінде мүгедектігі бар сайлаушылар үшін жағдайлар жасалған. Сайлау комиссиялары материалдық-техникалық жабдықтармен, методикалық құралдармен толықтай қамтамасыз етілген. Сайлау заңдылықтарға сәйкес өткізілуде, арыз-шағымдар тіркелмеген.

Дауыс беру сайлау күні жергілікті уақыт бойынша сағат 07.00-ден    20.00-ге дейін сайлау учаскесінде дауыс беруге арналған үй-жайда өткізіледі.