В Атырау +26.1 
Көлік министрлігі "Атырау-Орал" теміржолының құрылысына қатысты сауалға жауап берді.
«Жүк тасымалының өсу қарқынын қамтамасыз ету және елдің көлік-транзиттік әлеуетін дамыту үшін ірі жобаларды іске асыру жүргізілуде, атап айтқанда 2022 жылы Достық – Мойынты учаскесінде екінші жолдардың құрылысы басталды. Ағымдағы жылы Қытаймен шекарада үшінші шекара өткелінің ашылуымен «Алматы станциясын айналып өтетін айналма жол», «Дарбаза – Мақтаарал» және «Бақты – Аягөз» жаңа теміржол желісінің жобалары іске қосылды", - делінген министрліктің хабарламасында.
Министрліктегілер жоғарыда айтылғандарға байланысты «Орал – Атырау» темір жолын салудың төмен экономикалық орындылығын, сондай-ақ ағымдағы экономикалық жағдайды және қаржы қаражатының шектеулілігін ескере отырып, жоғарыда көрсетілген басым жобалар аяқталғаннан кейін осы жобаны іске асыру мүмкіндігін қарастыру орынды деп санайды.
- Осыған байланысты 2025 жылға дейін «Орал – Атырау» темір жолының құрылысы қарастырылмаған», — делінген Көлік министрлігінің жауабында.
"Орал апталығы"