Қазақстандағы ғарыш жүйелерінің екі ұлттық операторы да міндетінен бас тартты

611 рет қаралды

Олар 2023 жылғы 20 маусымда ғана ұлттық оператор болып айқындалған еді, деп хабарлайды Информбюро.

Қазақстанда ғарыш жүйелерінің ұлттық операторлары өзгереді. Өйткені, 2023 жылғы маусымда ғарыш жүйелерінің ұлттық операторлары болып айқындалған "Қазақстан Ғарыш Сапары" ҰК" АҚ мен "Республикалық ғарыштық байланыс орталығы" АҚ өздерін ұлттық операторлар тізімінен алып тастау жөнінде өтініш білдірген.

Соған сай, Цифрлық даму, инновациялар және аэроғарыш өнеркәсібі министрінің өткен жылғы ұлттық операторларды айқындау жөніндегі бұйрығының күші жойылмақ. Бұл туралы жаңа бұйрықтың жобасы Ашық НҚА порталында жарияланды.

Жаңа ұлттық операторлар қашан және қалай айқындалатыны туралы әзірге ақпарат жоқ.

27 наурыз 2024, 15:10

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.