Қазақстанның мемлекеттік қарызының көлемі белгілі болды

Қаржы министрі Мәди Такиевке Қазақстанның мемлекеттік қарызының көлемі туралы сұрақ қойылды, - деп хабарлайды Tengrinews.kzтілшісі.

"Бүгінде Қазақстанның мемлекеттік қарызының көлемі қанша? - деп сұрады Tengrinews.kz тілшісі Үкімет отырысынан кейінгі брифингте Қаржы министрлігі басшысынан.

Такиевтің мәліметінше, 2024 жылдың 1 қаңтарындағы жағдай бойынша мемлекеттік қарыз 27 триллион теңге.

"ЖІӨ-ге қатысты бұл 22,8 пайыз болады. Бізде шектеу бар. Жалпы алғанда шектеу 32 пайыз деп белгіленген, бұл қауіпсіз деп саналады. Бізде ол 22 пайыз", - деді шенеунік.