Атырау, 29 қараша 02:51
 ашық В Атырау 0
$ 423.87
€ 505.25
₽ 5.59

Сенат комитеті тарифтік емес реттеу шараларына арналған заң жобасын қарады

1 095 рет қаралды
Бүгін  Қазақстан Республикасы Парламенті Сенаты Қаржы және бюджет комитетінің кеңейтілген отырысы болып өтті.

Онда «Қазақстан Республикасының кейбір заңнамалық актілеріне Кеден одағында тарифтік емес реттеу шараларын қолдану мәселелері бойынша өзгерістер мен толықтырулар енгізу туралы» заң жобасы талқыланды. Бұл туралы Сенаттың баспасөз қызметінен хабарланды.

Еске салсақ, заң жобасының мақсаты еліміздің заңнамасын Мемлекет басшылары деңгейіндегі Еуразиялық экономикалық қоғамдастықтың Мемлекетаралық Кеңесінің (Кеден одағының жоғары органы) тарифтік емес реттеу саласын 2009 жылғы 27 қарашадағы шешімге сәйкес келтіру болып табылады.  Бұдан бөлек, құжат Кеден одағына қатысушы мемлекеттердің ұлттық заңнамасын біріздендіруге, көрсетілген келсімдерге қатысушы болып табылмайтын мемлекеттерге қатысты бірыңғай тарифтік емес реттеу шараларын қолдануға ықпал етеді. Сонымен қатар, құжатта заң қабылданған жағдайдағы туындайтын қолданыстағы заңнамадағы құқықтық олқылықтар мен коллизияларды жою нормалары да көзделеді.

Құжат палатаның жалпы отырысына шығарылатын болады.

Дереккөз: ҚазАқпарат

27 мамыр 2013, 13:18

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.