Мектептен өрт шықты

16 мамыр күні таңғы сағат төрт жарымда Құрманғазы ауданы Нұржау селолық округына қарасты Жамбыл ауылында (Ганюшкино селосынан 18 шақырым) мектеп өртенді.

Өрт Панфилов атындағы орта мектептің 63 жыл бұрын қамыс блоктан салынған бір қатарлы ғимаратында орын алды. Аудандық ТЖ бөлімі хабарлағандай, жану орнына келген өрт сөндірушілер отты екі сағаттан кейін ауыздықтады. Ғимараттың тең жартысына жуығын өрт шалған. Енді 91 оқушы мен мұғалімдерді көрші Телячье селосына автобуспен таситын болды.

Мұрат СҰЛТАНҒАЛИЕВ