АҚШ-та дауылдан ондаған адам қаза тапты

Фото дереккөзі: ReutersАҚШ-тың орталығына жақын Оклахома штатында тұрған дауыл салдарынан соңғы мәліметтер бойынша 91 адам қаза тапты. 120-ға тарта адам ауруханаға түскен. Тағы бірнешеуі із-түзсіз жоғалды. 

Оклахомаға жақын Мур қаласында тұрған дауылдың жылдамдығы сағатына 320 километрге дейін жеткен, ені 1,6 километр аумақты қамтыған. Дауыл салдарынан тұрғын үйлер мен басқа да ғимараттар қираған. Күшті дауыл кейбір жеңіл және жүк көліктерін аударып тастаған.

Оклахома медициналық сараптама орталығы мамандарының дерегіне қарағанда, қаза тапқан 91 адамның 20-сы - балалар.

Мур қаласында 55 мыңға жуық адам тұрады.

Дереккөз: azattyq.org