Болгария мен Румыния әуе және теңіз «Шенгеніне» қосылды

2024 жылдың наурыз айынан бастап теңіз және әуе көлігімен саяхаттайтын адамдар үшін төлқұжат және визалық бақылау алынып тасталады. Kazinform агенттігі бұл туралы Еuronews-ке сілтеме жасап хабарлайды.

Болгария мен Румыния Шенген визасына қосылу процесін бастады. Әзірге визасыз режим теңіз және әуе шекарасын кесіп өтетіндерге ғана тиісті болады. Ол келесі жылдың наурыз айында жұмысын бастайды.

Сондай-ақ бұл бастамаға қарсы шыққан Австрия өз позициясын жұмсартуы мүмкін екені белгілі болды.

«13 жыл күткеннен кейін ақыры саяси келісімге қол жеткіздік. Ол жақын арада жүзеге асады. 2024 жылдың наурыз айынан бастап әуе және теңіз шекараларын ашу - ұзақ келіссөздерден кейін жеңіп алынған құқық», - деді Румынияның премьер-министрі Марчел Чолаку.
«Бұл келіссөздер Еуропалық комиссияның елеулі қолдауымен және Еуропаға заңсыз мигранттар ағынын азайту үшін Еуроодақтың Түркия және Сербиямен сыртқы шекараларын қорғау күш-жігерімен өтеді», - деді Болгарияның премьер-министрі Николай Денков.

Шенген аймағына Швейцария, Норвегия, Исландия және Лихтенштейнмен қатар Еуропалық Одаққа мүше 27 елдің 23-і кіреді.

Аустрия 2022 жылдың соңында Болгария мен Румынияның визасыз аймағына кіруге вето қойды, бұл ретте ол Еуроодаққа бес жылдан кейін кірген Хорватияға Шенгенге қосылуға рұқсат берді.