В Атырау
+2 
ШЫМКЕНТ. 15 мамыр. ҚазАқпарат - Шымкентте сәбиді сатқаны үшін екі медбике сотталды.
Істі қарау Шымкенттің Әл-Фараби аудандық сотында өтті. Сотталушылар орындығында қалалық перзентханалардың бірінің 2 медбикесі отырды. Олар балаларды сатуға айыпталуда.
Еске сала кетейік, қылмыс осы жылдың басында жасалды. Әйелдерді қаржы полицейлері ұстады. Бұрынғы медицина қызметкерлерінің жастары 30-да. Тергеу мәліметтері бойынша, осы жылғы қаңтар айында олар жаңа туған сәбиді 6 мың долларға сатқан.
Судья атап өткендей, сотталушылар сәбидің анасының материалдық жағдайы ауыр екенін біліп, онымен мәміле жасасқан. Сот сотталушыларды айыпты деп таныды. Жаза ретінде оларға мүлкін тәркілеумен 8 жылға бас бостандығынан айыру тағайындалды.
Сот үкімі әзірше күшіне енген жоқ. Оны даулауға сотталушыларда 15 күн бар. Бала қамқорлық және қамқоршылық органына берілді, балдырған енді сәбилер үйінде тәрбиеленетін болады.
Дереккөз: inform.kz